ᐱᓕᕆᔾᔪᓯᐅᓕᖅᑐᖅ ᐊᒻᒪᓗ ᐱᓕᕆᖃᑎᖃᕐᓃᑦ ᐊᖏᒡᓕᒋᐊᖅᑕᐅᖁᓪᓗᒍ ᓄᓇᕗᑉ
ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒋᓄᑦ
ᐃᒡᓗᓕᐅᖃᑎᒌᖕᓂᖅ ᓄᓇᕗᑦ 3000 ᐃᖃᓇᐃᔭᖃᑎᒌᖕᓂᐅᖕᒪᑦ ᒐᕙᒪᒃᑯᓐᓂᑦ ᐊᒻᒪᓗ ᐱᓕᕆᖃᑎᒋᓲᖏᓐᓂᑦ ᐱᓕᕆᐊᖑᖁᓪᓗᒍ ᐃᒡᓗᖃᒃᑎᑦᑎᓂᕐᒧᑦ ᐊᒃᓱᕈᕐᓇᖅᓯᓂᖓ ᓄᓇᕗᕐᒥ. ᑕᑯᔭᐅᓗᓂ ᐃᒫᓐᓇᐅᓗᓂ ᑲᓇᑕᓕᒫᒧᑦ−ᐃᒡᓗᓕᐅᕐᓂᕐᒥᑦ ᐱᓕᕆᒋᐊᕕᒃᓴᐅᓕᕐᓂᖓᓂᑦ, ᐃᒡᓗᓕᐅᖃᑎᒌᖕᓂᖅ ᓄᓇᕗᑦ 3000 ᐃᒪᓐᓇᐅᔪᓐᓇᖅᓯᑎᑦᑎᔪᓐᓇᑐᐃᓐᓇᕆᐊᖃᕐᒪᑦ ᐋᖅᑭᒃᓯᓗᓂ ᐊᓂᒍᐃᓇᓱᐊᕐᓂᕐᒥᑦ ᐱᓕᕆᖃᑎᒌᖕᓂᕐᒥᑦ ᐃᓄᐃᑦ ᐃᖃᓇᐃᔭᕐᕕᖁᑎᖏᓐᓂᑦ, ᐃᒻᒥᓂᖅᓱᖅᑐᓂᑦ ᓇᖕᒥᓂᖁᑎᓕᖕᓂᑦ, ᐊᒻᒪᓗ ᐊᓯᖏᓐᓂᑦ ᖁᕙᓯᓕᕆᓂᑦ ᒐᕙᒪᒃᑯᓐᓂᑦ ᐊᖏᒡᓕᒋᐋᖅᑕᐅᖁᓪᓗᒍ ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒋᓄᑦ ᐊᒻᒪᓗ ᐱᔭᐅᑎᑦᑎᓗᓂ ᐊᕐᑕᕐᓇᖏᑦᑐᓂᑦ, ᐋᖅᑭᕕᒃᓯᒪᔪᓂᑦ, ᐊᒻᒪᓗ ᐊᑭᑐᓗᐊᖏᑦᑐᓂᑦ ᐃᒡᓗᖃᒃᑎᑦᑎᔾᔪᑎᓂᑦ.
ᑎᑭᑕᐅᓇᓱᒍᒪᖕᒪᑦ ᓄᓇᓖᑦ ᐋᖅᑭᒍᑎᔪᓐᓇᖁᓪᓗᒋᑦ ᐱᓕᕆᔪᓐᓇᖅᓯᒐᔭᕐᓂᖏᓐᓄᑦ ᑕᒪᐃᑎᒍᑦ ᓴᙱᔫᓗᓂ ᐱᓕᕆᒋᐊᕈᑎᒋᔪᒪᔭᖓ ᐱᓕᕆᖃᑎᒌᒃᑐᓪᓗ ᐱᔭᐅᑎᑦᑎᖁᓪᓗᒋᑦ ᐊᑐᑯᑖᒍᓐᓇᖅᑐᒥᑦ ᐱᔪᒥᓇᖅᑐᓂᑦ ᐃᓘᓐᓇᖏᓐᓄᑦ ᓄᓇᕗᕐᒥᐅᓕᒫᓄᑦ. ᑕᐃᒪᐃᓂᖓᓄᑦ, ᐃᒡᓗᓕᐅᖃᑎᒌᖕᓂᖅ ᓄᓇᕗᑦ 3000 ᐱᓕᕆᔪᒪᓕᕐᒪᑦ ᐱᔭᐅᑎᑦᑎᓂᐊᕐᓗᓂ 3000 ᓄᑖᓂᑦ ᐃᒡᓗᖁᑎᓂᑦ ᐃᓘᓐᓂᓇᓕᒫᖓᓂ ᐃᒡᓗᑖᕐᕕᐅᔪᓐᓇᖅᑐᑦ ᐃᓅᖃᑎᒋᓂᑦ ᓄᓇᕗᕐᒥ ᑎᑭᓪᓗᒍ 2030.
ᐅᖃᓕᒫᖅᓯᒪᓕᖅᑕᕋ ᐸᕐᓇᒍᑎ PDFᑲᑐᔾᔨᓗᑕ ᐊᑐᕐᓂᐊᕐᑐᒍᑦ ᓱᓕᓂᕋᕈᑕᐅᓯᒪᔪᒥᑦ ᓄᓇᕗᕐᒧᑦ ᐊᒻᒪᓗ ᑲᑐᔾᔨᓗᑕ ᐱᓕᕆᐊᕆᔪᒪᔭᑦᑎᓐᓂᑦ ᓴᕿᑎᑦᑎᓗᑕ ᓄᑖᓂᑦ ᐃᒡᓗᖃᒃᑎᑦᑎᔾᔪᑎᓂᑦ ᐃᓘᓐᓇᖏᓄᑦ ᓄᓇᓕᓕᒫᓄᑦ ᑕᐃᒃᑯᓄᖓ ᐃᓅᐃᑦ ᐊᖏᕐᕋᖃᕐᓂᕋᕈᓐᓇᖅᓯᖁᓪᓗᒋᑦ ᐊᕐᕌᒍᒐᓴᖕᓄᑦ ᐊᑐᕐᓂᐋᑐᐃᓐᓇᖅᑐᓄᑦ.
ᐃᖃᓇᐃᔭᖃᑎᒌᒡᓗᓂ ᐱᐅᓂᖅᓴᐅᓕᖅᑎᑕᐅᖁᓪᓗᒍ ᐃᒡᓗᖃᒃᑎᑦᑎᓂᕐᒧᑦ ᑭᓱᒃᓴᖃᒃᑎᑦᑎᔾᔪᑎ ᐊᒻᒪᓗ ᐋᖅᑭᐅᒪᑎᑕᐅᖏᓐᓇᕈᓐᓇᖅᓯᖁᓪᓗᒍ ᑭᖑᓪᓕᐅᓂᐊᖅᑐᓄᑦ ᑭᖑᕚᕆᓂᐊᖅᑕᑦᑎᓐᓄᑦ.